මගේ පවුලයි අනික් සත්තුයි -Mage Pawulai Anik Saththui

සුප්‍රකට ඉංග්‍රීසි ජාතික ස්වභාව විද්‍යාඥයකු වූ ජෙරල්ඩ් මැල්කම් ඩරල් (1925-1995) සිය සුන්දර ළමා වියේ ඉතා රසවත් විනෝදාත්මක සැබෑ අත්දැකීම් ඇතුළත් කොට පොත් තුනත් ලිවීය. මගේ පවුලයි අනික් සත්තුයි ඉන් පළමු වැන්නයි.

ඩරල් පවුල ග්‍රීසියට අයත් කෝෆු දිවයිනේ වාසයට යන විට ජෙරල්ඩ්ගේ (ජෙරිගේ) වයස අවුරුදු අටකි. එහි විසූ අවුරුදු පහක කාලය තුළ කුඩා ජෙරි ස්වභාව ධර්මයේ සුන්දරත්වයෙන් හා චමත්කාරයෙන් වශීකෘත වෙයි. කෝෆු දිවයිනේ සුන්දර ගැමි පරිසරය තුළට නිරායාසයෙන්ම ගිලී. එහි කොටසක් බවට පත් වෙයි.

ජෙරී නිවස තුළට ගෙනවුත් ඇති කරන්නේ දිය නයින්, විශාල ගෙම්බන්, ගෝනුස්සන්, විශාල මුහුදු ලිහිණි ආදී අසාමාන්‍ය “සුරතලුන්”ය. මේ නිසා ඔහුද පවුලේ ඇත්තන්ද අතර නිරතුරුව හටගන්නා වියවුල් හා අඬදබර ඉතා හාස්‍යජනකය. තවද, කුඩා ජෙරි පරිසරයේ ඇති සෑම දෙයක්ම විද්‍යාත්මකව ගවේෂණය කරමින් විමසා බැලීම නිසා පාඨකයාට දැනුම් සම්භාරයක් ද ලැබේ.

ඩරල් සිය ළමා විය පිළිබඳව ලියූ දෙවන කෘතිය කුරුල්ලෝ සිවුපාවෝ සහ නැදැයෝ නමින්ද තුන්වන කෘතිය දේව උද්‍යානය නමින්ද පළ වී ඇත. ඒ කෘති දෙක, පළමුවන පොතට ඇතුළත් කළ නොහැකි වූ, එතරම්ම රසවත් අත්දැකීම රාශියකින් යුතුය.